結業潮｜麥秋成主理沙田雞蛋仔店 開業一年離場：攞咗好多經驗 | am730

2026年結業潮持續，位於沙田新城市廣場一田百貨的雞蛋仔店「KAKAchevée」，周一（25日）已結業。藝人東主、湯怡老公麥秋成在Facebook發文，以「我哋終於分手啦」為題，回顧這一年「係有啲唔捨得，不過都要告一段落」。

麥秋成表示，為了開店專程到元朗學做雞蛋仔和格仔餅，研究不同新款食品，其中「芫荽爆蛋雞蛋仔」與「蘋果肉桂雞蛋仔」為兩款心水口味，「真心第一次開食肆，攞咗好多經驗」，他親自設計品牌、包裝，甚至手寫餐牌，坦言過程中「碰到唔少釘」，惟感謝顧客一年來的支持：「先唔好講賺錢定蝕錢，見到客人回頭話俾你聽好食，乜都抵啦。」

他自我評分成績，「可能未必係最好，但至少唔會失禮。呢一年同一田合作係開心嘅，係有啲唔捨得，不過都要告一段落」。對於會否再開店，麥秋成未有定案：「我未答到你。」

結業消息一出，有食客留言不捨：「你哋嘅雞蛋仔好食，我哋一家人成日買嚟食。保重，有緣再見！」、「小朋友好鐘意食」、「芫茜雞蛋仔好味」、「希望你哋好快會再開，一定會嚟幫襯」，惟亦有網民直言：「無咩宣傳，唔知一田有雞蛋仔。」